EH Bilduk bihar (asteartea) Virtisu enpresako langileek Zallatik
Gasteizera abiatuko duten martxari bere babesa adierazi nahi dio.
Virtisuko
langileek langileriari luzatu dioten elkartasun deialdiari erantzunez,
bihar martxaren irteeran Enkarterriko EHBilduko ordezkariak ere bertan
izango dira. Izan ere, enpresa honen itxierak gure eskualdearen egoera
ekonomiko ezin larriagoari azkenengo kolpea emango dio. Horrez gain,
EHBilduk behin eta berriz salatu du enpresa honen egoeran Bizkaiko Foru
Aldundiak duen arduragabekeria izugarria. Gogoan izan behar da Virtisu
enpresa Bizkaiko Aldundiak erreskatatu zuela 2006an, eta enpresa bera,
lurzoruak eta makineria Aldundiarenak direla.
No hay comentarios:
Publicar un comentario