Emakumea

BILDU ZALLAko emakumeok, munduko beste herrietako emakume guztiok bezala zapalduta gaude. Zapalkuntza estrukturala da emakumeok gizarte honetan pairatzen duguna, gizartearen arlo eta eremu guztietan: lantokietan, familian, sexu-indarkeria …

Emakumeok jasaten ditugun tratu txarrak eta hilketak adierazlerik larrienak eta salagarrienak dira eta etengabe parekidetasunaren alde borroka eginez alda daiteke egoera hau.

Emakumeok eremu publikoan:

* Emakumeon parte hartze politiko eta soziala areagotzea
* Gure interesen eta eskubideen defentsa bermatzea.

Udal eremuan:

* Garatzen diren politika eta programak erabat asistentzialistak dira, honen aurrean politika integrala behar dugu.
* Emakumeon Eskubideen Kartan agertzen diren edukiak eta eskubideak praktikara eraman.
* Berdintasunerako Emakumeon Batzordea sortzea

Emakumeon aurkako indarkeriari aurre egiteko oinarriak:

* 24 orduko asistentzia bermatu eta berehala diru-laguntza jasotzea.
* Egoera hauei erantzuteko pertsonal egokia eta honetarako formazioa izatea.
* Emakumeok babesteko neurriak jartzea, baina gure askatasuna zapaldu barik..
* Prebentzioaren eremuan, herriko eskoletan hezkidetza programak garatu, tailerrak antolatu …
* Etorkin emakumeekin arreta berezia jartzea.