Virtisuko langileek haien eskubideen alde
Zallatik Gueñesera egingo duten manifestazioan parte hartuko du EH Bilduk.
Koalizioak babesa eta elkartasuna adierazi nahi die langileei eta, horrez gain,
haien aldarrikapenak eraman ditu Bizkaiko Batzar Nagusietara.
Batetik, langileek soldatak kobratu gabe
hainbat hilabete daramatela kontuan hartuta, eta horrek ehun familia baino
gehiagorentzako egoera ekonomiko larria sortzen duenez, EH Bilduk Arauz Besteko
Proposamena erregistratu du langileek dagokien soldata berriz ere jasotzeko irtenbidea
bilatze aldera.
Gogoan izan behar da Virtisu enpresa
Bizkaiko Aldundiak erreskatatu zuela eta 600.000 eurotik gorako bermea duela.
Horrez gain, enpresak merkaturatu daitekeen ekoizpena ere badu. EH Bilduk
proposatzen du baliabide horiek erabiltzea langileek haien soldata kobratu ahal
izan dezaten.
Bestetik, EH Bilduk Bizkaiko Aldundiari dei
egiten dio beharrezkoak diren gas eta argi indar hornidurak berrezarri
daitezen. Egun ekoizpenerako dagoen energia hornidura faltak makinaria bera
kaltetu dezake eta etorkizunean berrerabiltzeko aukera ere arriskuan jarri
dezake.
Arriskuan dauden makina horiek Aldundiarenak
dira eta bere garaian egindako inbertsioa bermatzeko beharrezkoa da gas eta
argi indar hornidurak berrezartzea.
Azkenik, koaliziotik dei egiten zaio
eskualdeko biztanleriari langileen aldarrikapenei atxikimendua eta babesa
ematera.
No hay comentarios:
Publicar un comentario